#HMKI ጥቅምት 12 ቀን 2019 ዓ.ም

በስሜታዊ ብልህነትና በካይዘን 5S ትግበራ ዙሪያ የአቅም ግንባታ ሥልጠና ተሰጠ

የሥራ አመራርና ካይዘን ኢንስቲትዩት (HMKI) ከሀረሪ ጉባኤ ጽሕፈት ቤት ጋር በመተባበር “ስሜታዊ ብልህነት (Emotional Intelligence) እና የካይዘን 5S ትግበራ” በሚሉ ርዕሰ ጉዳዮች ዙሪያ ለጽሕፈት ቤቱ አመራሮችና ሠራተኞች የአቅም ግንባታ ሥልጠና ሰጠ።

ሥልጠናው የአመራሮችንና የሠራተኞችን የስሜታዊ ብልህነት ብቃት በማጎልበት፣ ጤናማ የሥራ ግንኙነትን በመፍጠር፣ የሥራ ቦታን በሥርዓት በማደራጀትና በቀጣይነት ማሻሻል ላይ ያተኮረ ነው።

በሥልጠናው የስሜታዊ ብልህነት ጠቀሜታ ለውጤታማ አመራር፣ ለስሜት ቁጥጥር፣ ለቡድን ትብብርና ለግጭት አፈታት ያለው ሚና እንዲሁም የካይዘን 5S መርሆዎች ለሥራ አካባቢ አደረጃጀት፣ ለንጽሕና፣ ለሀብት ቁጠባና ለሥራ ቅልጥፍና ያላቸው አስተዋጽኦዎች ላይ ትኩረት ተሰጥቷል።

የስሜታዊ ብልህነትና የካይዘን 5S መርሆዎችን በተቀናጀ መልኩ መተግበር የሠራተኞችን ብቃት ለማሳደግ፣ የሥራ ባህልን ለማሻሻል፣ የሥራ ሂደቶችን ለማቀላጠፍና ለተገልጋይ አጥጋቢ የሆነ አገልግሎት ለማቅረብ ወሳኝ ነው።

በመሆኑም በሥልጠናው የተገኘው እውቀትና ክህሎት በዕለት ተዕለት የሥራ እንቅስቃሴ ውስጥ በተግባር በመተርጎም፣ የተቋሙን ውጤታማነትና የአገልግሎት ጥራት ለማሻሻል የሁሉም አመራሮችና ሠራተኞች ተሳትፎ ወሳኝ መሆኑ ይጠበቃል። ጥቅምት 12 ቀን 2019 ዓም ሲሰጠ የነበረው ሥልጠና በተያዘለት መርሃግብር መሰረት ተጠናቋል።

 🚦 ለትራፊክ ፖሊስ አመራሮችና አባላት በስሜታዊ ብልህነት ስልጠና መስጠት ተጀመረ

#HMKI

መስከረም 28 ቀን 2019 ዓ.ም

ለትራፊክ ፖሊስ አመራሮችና አባላት በ“ስሜታዊ ብልህነት (Emotional Intelligence)” ዙሪያ ስልጠና መስጠት ተጀመረ

የሥራ አመራርና ካይዘን ኢንስቲትዩት (HMKI) ከሀረሪ ክልል ፖሊስ ኮሚሽን ጋር በመተባበር “ስሜታዊ ብልህነት (Emotional Intelligence)” በሚል ርዕስ ለትራፊክ ፖሊስ አመራሮችና አባላት ስልጠና መስጠት ጀመረ።

ስልጠናው የትራፊክ ፖሊስ አባላትና አመራሮችን በሶስት ሺፍት በመከፋፈል፣ ከመስከረም 28–30 ቀን 2019 ዓ.ም ለሶስት ተከታታይ ቀናት የሚሰጥ ይሆናል።

የስልጠናው ዋና ዓላማ የትራፊክ ፖሊስ አባላትና አመራሮች የራሳቸውን ስሜት በመረዳትና በመቆጣጠር፣ የሌሎችን ስሜት በመረዳት እና በተገቢ ሙያዊ መንገድ ምላሽ በመስጠት ውጤታማ፣ ሰው-ተኮር እና ሙያዊ አገልግሎት እንዲሰጡ አቅም ማጎልበት ነው።

ስሜታዊ ብልህነት በተለይ አስጨናቂና በአስቸጋሪ የሥራ ሁኔታዎች ውስጥ ራስን መቆጣጠር፣ ግጭትን በአግባቡ መፍታት፣ ከሕዝብ ጋር በአክብሮት መግባባት እና በሙያዊ ሥነ-ምግባር ሥራን ማከናወን ላይ ወሳኝ ሚና አለው።

HMKI — አቅምን መገንባት ለተሻለ አፈፃፀም!

#HMKI #Emotional_Intelligence #Traffic_Police #Capacity_Building #Harari_Police_Commission #ስሜታዊ_ብልህነት #የትራፊክ_ፖሊስ #አቅም_ግንባታ

“የመንግሥት ሠራተኞች ሥነ-ምግባር እና የአገልግሎት አሰጣጥና የተገልጋይ አያያዝ”

#HMKI መስከረም 19 ቀን 2019 ዓም

የሀረሪ ክልል ጠቅላይ ፍርድ ቤት ሠራተኞች የአቅም ግንባታ ሥልጠና መውሰድ ጀመሩ!

የሀረሪ ክልል ሥራ አመራርና ከይዘን ኢንስቲትዩት-ከክልሉ ጠቅላይ ፍርድ ቤት ጋር በመተባበር ያዘጋጁት ሥልጠና በዛሬው ዕለት በይፋ ተጀምሯል።

የሥልጠናው ዋና ትኩረት፦ “የመንግሥት ሠራተኞች ሥነ-ምግባር እና የአገልግሎት አሰጣጥና የተገልጋይ አያያዝ”

 የሀረሪ ክልል ጠቅላይ ፍርድ ቤት ፕሬዝዳንት ክቡር አቶ ሰላሃዲን ቶውፊቅ ሥልጠናውን በይፋ በከፈቱበት ወቅት እንዳሳሰቡት፤ ወደ ፍርድ ቤት የሚመጣ ማንኛውም ተገልጋይ ፍትሃዊ፣ ፈጣን እና በአክብሮት የታጀበ አገልግሎት የማግኘት መብት አለው። ይህ ሥልጠናም የሠራተኞችን ሙያዊ ሥነ-ምግባር በማሳደግ የፍትህ አገልግሎቱን ይበልጥ ቀልጣፋ ለማድረግ ትልቅ አቅም ይፈጥራል። ሲሉ ስልጠናው በይፋ መከፈቱን አብስረዋል።

ከተለያዩ የሥራ ክፍሎች የተውጣጡ የፍርድ ቤቱ ሠራተኞች የሚሳተፉበት ይህ ሥልጠና ከመስከረም 19 ቀን እስከ መስከረም 22 ቀን 2019 ዓም ድረስ ለአራት ተከታታይ ቀና የሚቆይ ይሆናል።

ቅታዊና የተሟሉ መረጃዎችን ለማግኘት:

በዌብሳይት: Blog

https://www.hmkimedia.blogspot.com/

በYoutube ቻነላችን

https://youtube.com/@hmkimedia

በቴሌግራም:

https://t.me/c/1260317423/383

በፌስቡክ:

https://www.facebook.com/hararimanagement.andkaizeninstitute

በፌስቡክ ገፃችን:

https://www.facebook.com/hararimki

በትዊተር፣

https://twitter.com/hararimki?t=j8vGvcUAHxwcw1Sjba3JMA&s=09

ተቀላቀሉን!!! 

የ5ቱ ማዎች የስሜት ብልህነት (Emotional Intelligence – EI)

#HMKI መስከረም 13 ቀን 2019 ዓም “የስራ ቦታ ፅዱ፣ ጉዳት የማያደርስ እና ምቹ እንዲሆን፣ የስራ እርካታ እንዲኖር እንዲሁም በስራ ላይ የሚከሰቱ ጫናዎችን ለመቀነስ፣ የሰራተኞችን የስራ ሞራል በማነሳሳት እና የጋራ ስራን በማበረታታት የባለቤትነት ስሜትን ለመፍጠር የ5ቱ “ማ” ዎችን በተሟላ መልኩ መተግበር አስፈላጊ መሆኑ ተገለፀ።

ስልጠናው በዘጠኙም ወረዳዎች ለሚገኙ የንብረት ክፍል፣ የመዝገብ ቤት እና የሰው ኃይል ባለሙያዎች የተሰጠ ሲሆን፣ የስልጠናው ዓላማ፥ ብክነትን በመከላከል ምቹ የስራ ቦታ በመፍጠር ቀጣይነት ያለው መሻሻል ለመፍጠር እንዲሁም ስሜት ብልህነት (Emotional Intelligence – EI) በተመለከተም ሰልጣኞች የራሳቸውና የሌሎችን ስሜት በመለየት፣ በመረዳት፣ በመቆጣጠር እና ስሜታቸውን በተገቢ መንገድ በመጠቀም ጤናማ ግንኙነትና ውጤታማ ውሳኔ መስጠት እንድችሉ ለማድረግ የታለመ ስልጠና ነው።

የስራ አመራርና ከይዘን ኢንስቲትዩት በክልሉ ለሚገኙ 9 ወረዳዎች በከይዘን ፍልስፍና አመራር "5ቱ ማ"ዎች እና "የስሜት ብልህነት"ዙሪያ ለአንድ ቀን ሲሰጥ የነበረው ስልጠና ተጠናቀቀ ተሰጠ።

መስከረም 13 ቀን 2019 ዓም

 

#HMKI መስከረም 12 ቀን 2019 ዓም የስራ አመራርና ከይዘን ኢንስቲትዩት በክልሉ ለሚገኙ ሴክተር ተቋማት፥ በከይዘን ፍልስፍና አመራር "5 ማ"ዎችን እና "የስሜት ብልህነት"ዙሪያ ሲሰጥ የነበረው ስልጠና ተጠናቀቀ።

ስልጠናው ለንብረት ክፍል፣ መዝገብ ቤት እና ለሰው ኃይል ባለሙያዎች የተሰጠ ሲሆን፣ የስልጠናው ዓላማ፥ ብክነትን በመከላከል ምቹ የስራ ቦታ በመፍጠር ቀጣይነት ያለው መሻሻል ለመፍጠር እንዲሁም ስሜት ብልህነት (Emotional Intelligence – EI) በተመለከተም ሰልጣኞች የራሳቸውና የሌሎችን ስሜት በመለየት፣ በመረዳት፣ በመቆጣጠር እና ስሜታቸውን በተገቢ መንገድ በመጠቀም ጤናማ ግንኙነትና ውጤታማ ውሳኔ መፍጠር እንድችሉ ለማድረግ የታለመ ስልጠና ነው። ስልጠናው በቀጣይም ለሌሎች ተቋማት የሚሰጥ ይሆናል።

የአቅመ ደካማ ቤት ዕድሳት

 HMKI ታህሳስ 4 /2018 ዓም

ሥራ አመራርና ከይዘን ኢንስቲትዩት በአሚር ኑር ወረዳ የአቅመ ደካማ ቤት: 300 ሺህ ብር በላይ ወጪ በማድረግ ዕድሳቱን አጠናቆ ቤቱን ለወረዳው አስረከበ::

የ5ቱ “ማ” ዎች ትግበራ በድሬ ጠ ያራ ወረዳ 

#HMKI ጥቅምት 13 ቀን 2018 ዓም፡ የስራ ቦታ ፅዱ፣ ጉዳት የማያደርስ እና ምቹ እንዲሆን፣ የስራ እርካታ እንዲኖር እንዲሁም በስራ ላይ የሚከሰቱ ጫናዎችን ለመቀነስ፣ የሰራተኞችን የስራ ሞራል በማነሳሳት እና የጋራ ስራን በማበረታታት የባለቤትነት ስሜትን ለመፍጠር የ5ቱ “ማ” ዎችን በተሟላ መልኩ መተግበር አስፈላጊ መሆኑ ተገለፀ።

በመርሃ ግብሩ በተቀመጠው የትግበራ ፕሮግራም መሠረት በወረዳው መስተዳደር የሚገኘው ንብረት ክፍል 5ቱ "ማ" ዎችን ለመተግበር የልየታ ሥራ በማከናወን፣ የ5ቱ "ማ" ዎች የመጀመሪያው "ማ" (ማጣራት) ሥራ እየተከናወነ ሲሆን፣ በዚህ ሂደት የሚያስፈልጉ ቁሶችን እና የማያስፈልጉ ቁሶችን ለመለየት፣ አፋጣኝ እልባት የሚሹትን ቁሶች (መድኃኒቶች) በቅድሚያ እንዲለዩ መደረጉን ለማወቅ ተችሏል።

የካይዘን ከፍተኛ ኤክስፐርት የሆኑት አቶ ኻሊድ ዜይዳን እንደገለፁት “ከፍተኛ ትኩረት በመስጠት በአፋጣኝ እንዲወገዱ የተደረጉት በዋነኛነት የመጠቀሚያ ጊዜያቸው ያለፈባቸውን የተለያዩ የእንስሳት ህክምና መድኃኒቶች ከክልሉ ግብርና ቢሮ ጋር በመነጋገር በዘርፉ ባለሙያ እገዛ እንዲወገዱ ተደርጓል። በቀጣይም ሌሎች ቁሳቁሶችን በመርሃግብሩ መሰረት የሚከናወኑ መሆኑን አቶ ኻሊድ ገልፅዋል።"

ይህ ትግበራ ቀደም ሲል መስከረም 07 ቀን 2018 ዓም በኢንስቲትዩት እና በወረዳ መስተዳደሩ መካከል በተፈረመ የመግባቢያ ሰነድ ከተካተቱ የትኩረት መስኮች ውስጥ አንዱ የካይዘን ሥልጠና እና ትግበራ አካል መሆኑን ይታወሳል።

የሥራ አመራርና ከይዘን ኢንስቲትዩት የኮሚኒኬሽን ጉዳዮች